Yeraltı boru kəmərlərinin korroziyadan qorunması üzrə montyor

SOCAR “Qaz İxrac” İdarəsi (Qİİ) Naxçıvan Magistral Qaz Kəmərləri sahəsinin Korroziyadan mühafizə xidmətində yeraltı boru kəmərlərinin korroziyadan qorunması üzrə montyor peşəsinə əməkdaş axtarır.

Peşə haqqında məlumatlar:

Müəssisə: SOCAR-ın “Qaz İxrac” İdarəsi

Struktur vahidi: Naxçıvan Magistral Qaz Kəmərləri sahəsi, Korroziyadan mühafizə xidməti

Peşənin adı: yeraltı boru kəmərlərinin korroziyadan qorunması üzrə montyor

Dərəcə: 5

Maaş: 4,33 saatlıq tarif (693,54 manat)

İş rejimi: Tam iş vaxtı (həftədə 5 gün/ 40 saat)

Vəzifənin icra etdiyi funksiyalar:

• Təmir, quraşdırma, sazlama və s. işləri yerinə yetirmək;
• Katod mühafizə qurğularını quraşdırmaq;
• Yeraltı boru kəmərlərində və mürəkkəb korroziya şəraitində azmış cərəyan mənbələrinin ölçülərini aparmaq;
• Torpağın korroziya aktivliyi dərəcəsini müəyyən etmək;
• Boru kəmərlərində və cərəyan mənbələrində elektrik ölçülərinin işlənməsi, “rels-torpaq” potensiallarının ölçülməsi, korroziya təhlükəsi dərəcəsinin müəyyən olunmasını təmin etmək;
• Zahirən və alətlərlə boru kəmərinin izolyasiya örtüyünü yoxlamaq;
• Boru kəmərinin ayrı-ayrı hissələri üçün əlavə mühafizənin lazım olmasını müəyyən etmək;
• Boru kəmərləri təmir edildikdə izolyasiyanın dəyişdirilməsinə nəzarət etmək;
• Korroziyaya qarşı mühafizə zamanı orta mürəkkəbliyə malik ölçü cihazlarını sazlamaq və təmir etmək;
• İşləyən boru kəmərinə katod çıxışlarının termit qaynağı işlərində iştirak etmək;
• Əməyin mühafizəsi, təhlükəsizlik texnikası, istehsalat sanitariyası, elektrik təhlükəsizliyi, yanğın təhlükəsizliyi və yanğından mühafizənin norma və qaydalarından irəli gələn tələbləri bilmək və onlara riayət etmək;
• Fəaliyyət zamanı formalaşan təhlükələrin müəyyən edilərək risklərin və ekoloji aspektlərin qiymətləndirilməsində yaxından iştirak etmək;
• Əməliyyatların Bütövlüyünün İdarəetmə Sistemində (SOIMS) nəzərdə tutulan tələblərinə əməl etmək;
• Əməyin mühafizəsi, təhlükəsizlik texnikası, istehsalat sanitariyası, elektrik təhlükəsizliyi, yanğın təhlükəsizliyi və yanğından mühafizənin norma və qaydalarından irəli gələn tələbləri bilmək və onlara riayət etmək.

Vəzifə üzrə işə qəbul tələbləri:

• Tam orta təhsil
• Azərbaycan vətəndaşı
• Naxçıvan MR-da yaşayan namizədlərə üstünlük verilir.
• Avtomatik katod mühafizəsi stansiyalarının və avtomatik elektrodrenaj qurğularının konstruksiyası və prinsipial sxemi;
• azmış cərəyanların yayıldığı yeraltı kommunikasiyaların çox sıx yerləşdiyi zonalarda və azmış cərəyan mənbələrində elektrik ölçüləri aparılması metodikası;
• Torpağın korroziya aktivliyinin müəyyən edilməsi üsulları;
• İzolyasiya örtükləri tipləri və onlara olan texniki səbəblər;
• Elektrokimyəvi mühafizə avadanlıqlarının quruluşu;
• Universal korroziya ölçü cihazları, turşu və qələvi akkumulyatorları ilə işləmə qaydaları;
• İşləyən boru kəmərlərinə katod çıxışlarının termit-qaynaq edilməsi işlərinin aparılması qaydaları, elektrotexnikanın əsasları;
• İstehsalat və əmək intizamı qaydalarını, əməyin mühafizəsi, təhlükəsizlik texnikası, istehsalat sanitariyası və yanğından mühafizənin qayda və nоrmaları.

Güzəştlər və imtiyazlar:

• Sabit və etibarlı iş mühiti;
• Peşəkar komandada inkişaf və karyera imkanları;
• Güzəştli istirahət imkanı;
• Faktiki iş günlərinə uyğun gündəlik 5 manat yemək xərci