QAİ və təmiri üzrə çilingər (Masallı rayonu)

Vakansiyanın təsviri:

• Müəssisə: SOCAR-ın "Azəriqaz" İstehsalat Birliyi, Lənkəran Regional Qaz İstismarı İdarəsi
• Struktur vahidi: Masallı rayonu üzrə Sayğac əməliyyatları xidməti
• Vəzifənin adı: Qaz avadanlıqlarının istismarı və təmiri üzrə çilingər  
• Dərəcə: (ƏÖD) 05
• Saatlıq əmək haqqı: 4.33 AZN (vergi və digər ödənişlər daxil olmaqla)
• Nahar ödənişi: SOCAR-ın müvafi q qərarına əsasən hər faktiki işlədiyi iş gününə görə 5 AZN yemək xərci ödənilir.
• İş rejimi: Tam iş vaxtı (5 günlük iş həftəsi, həftədə 40 saat)
• İş yerinin ünvanı: Masallı şəhəri, M.Talışxanov küçəsi 1

Vəzifə funksiyaları:

• Planlı və növbədənkənar sayğac əvəzləmə işlərini icra etmək;
• Sayğaca texniki baxış keçirmək və qüsurları qeydiyyata almaq;
• Yararsız, işləməyən, müdaxilə olunmuş sayğacları əvəzləmək və ya çıxarmaq;
• Nəzarət-ölçü cihazlarının təmirini, nizamlanmasını, sınağını, yustirlənməsini, quraşdırılmasını və məsafədən ötürmə mexanizmli avtomatik tənzimləmə qurğularının qoyulmasını həyata keçirmək;
• Cihazların işindəki qüsurları aşkar edib aradan qaldırmaq;
• İnzibati ərazidə hər ay müəyyən edilmiş tarixədək sayğac göstəricilərini qeydiyyata almaq və ötürmək;
• Texniki baxış nəticəsində adi sızmaları aradan qaldırmaq, qaynaq tələb olunan hallar barədə aidiyyəti komandaya məlumat vermək;
• Aylıq sayğac oxuma (göstəricilərin götürülməsi) prosesini icra etmək;
• Abonentlərə Kağız və SMS bildirişləri təqdim etmək;
• Abonentləri debitor borcları və ödəniş prosedurları barədə maarifləndirmək;
• Kommersiya şöbəsinin siyahıları üzrə debitor borclu abonentlərin qaz təminatını dayandırmaq və bərpa etmək;
• Qaynaqla qaz kəsimi prosesində iştirak etmək;
• Müdaxilə, qanunsuz yerdəyişmə və quraşdırmalar aşkarlandıqda dərhal rəhbərliyə və 104 №-li telefona operativ məlumat vermək;
• Abonentlərlə mülayim, səmimi rəftar etməklə xidmət göstərmək.

Bilməlidir:

• Qaz cihazlarının (məişət/sənaye), avtomatik soba və peçlərin təmiri və istismarı qaydalarını;
• Qaz avadanlıqlarının montajı, qoşulması və şəbəkəyə qazın buraxılması qaydalarını;
• Qaz şəbəkələri və kommunikasiyalarının yerləşmə sxemini;
• Qaz şəbəkələrinin düzgün quraşdırılmasına və təhlükəsiz istifadəsinə nəzarət qaydalarını;
• Qaz xətlərinə bilərziklərin quraşdırılması üsullarını, qaz ötürücülərinin quraşdırılması və istismarı şərtlərini;
• “Təbii qazdan və qazdan təhlükəsiz istifadə qaydaları” təlimatlarını;
• Əmək intizamı, əməyin mühafizəsi, təhlükəsizlik texnikası, istehsalat sanitariyası və yanğından mühafizə normalarını.

Təhsil və iş təcrübəsinə dair tələblər:

• Təhsil: tam orta təhsil.
• İş təcrübəsi: tələb edilmir.
• Əmək fəaliyyəti dövründə stajkeçmə və peşə hazırlığı kurslarında əlavə təhsil tələb olunur.

Digər məlumatlar:

• Tibbi sığorta: təmin edilir;
• İş yerinə çatdırılma: təmin edilmir.
• Son müraciət tarixi: 12.10.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az emailinə müraciət ünvanlaya bilərlər.