Vəzifənin adı:  Elektrik qaz qaynaqçısı (Masallı rayonu)

Vakansiyanın təsviri;

Vəzifə haqqında məlumat:

Müəssisə: SOCAR-ın "Azəriqaz" İstehsalat Birliyi, Lənkəran Regional Qaz İstismarı İdarəsi

Struktur vahidi:  Masallı rayonu üzrə Texniki baxış və təmir-bərpa xidməti

Vəzifənin adı: elektrik qaz qaynaqçısı

Dərəcə (ƏÖD):  05

Saatlıq əmək haqqı: 4.33 AZN (Vergi və digər ödənişlər daxil olmaqla)

Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.

İş rejimi: Tam iş vaxtı (5 günlük iş həftəsi, həftədə 40 saat)

İş yerinin ünvanı: Masallı şəhəri, M.Talışxanov küçəsi 1

Vəzifə funsiyaları;

• Müxtəlif poladlar, əlvan metallar və ərintilərdən hazırlanmış mürəkkəb aparat, qovşaq, boru və polietilen kəmərlərinin əl ilə qövs və plazma qaynağını, həmçinin əl, oksigen və hava-plazma ilə kəsilməsini yerinə yetirmək;
• Karbonlu, legirlənmiş və xüsusi poladlardan, eləcə də çuğundan hazırlanmış mürəkkəb və məsul detalların əl ilə qövs və oksigenlə kəsilməsini (yonulmasını) icra etmək;
• Blok şəklində hazırlanmış məsul konstruksiyaları bütün vəziyyətlərdə qaynaq etmək;
• Mürəkkəb detal və qovşaqları lehimləmək;
• Fəaliyyətdə olan qaz kəmərlərində oyuqların açılması, boruların kəsilməsi, qaynaq üçün detalların hazırlanması və kəsilmiş hissələrin qaynaq edilməsini icra etmək;
• Qazdan təhlükəli işlər üçün alət və materialları hazırlamaq, qaz kəmərlərində təzyiqi ölçmək, kipləşdirici qurğuların və qapayıcıların vəziyyətini yoxlamaq;
• Fəaliyyətdə olan qaz kəmərlərində elektrik və qaz qaynaq işlərini yerinə yetirmək, uyğun elektrod və aşqar məftilləri seçmək;
• Qaz kəmərlərində gücləndirici muftaları quraşdırmaq və qaz sızmalarını aradan qaldırmaq;
• Odluq və kəsicilərin cari təmirini, kəsmə zamanı nişanlama və uyğunlaşdırma işlərini yerinə yetirmək;
• Binadaxili qaz kəmərlərində kəsik aparmaq, kondensat yığıcılarını, hidravlik örtgəcləri, deformasiyaya uğramış qapayıcıları, çarxları, kompensator və siyirtmələri kəsmək;
• Orta mürəkkəblikdə cizgiləri oxumaq.

Bilməlidir;

• Müxtəlif tipli qaynaq maşınların elektrik sxemlərini və konstruksiyasını;
• Qaynaq edilən müxtəlif növ metalların, müxtəlif markalı elektrodlarla lehimlənmiş metal və yonulmaya məruz qalmış tökmələrin texnoloji xassələrini;
• Tikişlərin qoyulmasında texnoloji ardıcıllığın və qaynaq rejimlərinin seçilməsini;
• Məsul qaynaq tikişlərin sınanma və nəzarət üsullarını;
• Xüsusən mürəkkəb qaynaq metal konstruksiyaların çertyojlarının oxunmasını;
• Qaz qaynağı və kəsmənin əsas rejim və növlərini;
• Qaz elektrik qaynağı və qaz elektrik kəsici aparatların quraşdırılması və xidmətini, onların istismar və təmir qaydalarını;
• Oksigen və asetilen balonlarının, qaz generatorlarının nəqli və xidməti qaydalarını;
• Orta təzyiqdə işləyən boru və kəmərlərin qaynaq xüsusiyyətlərini;
• Qaynaq edilən detalın forma və qalınlığından asılı olaraq metalların qaynaq rejimlərinin müəyyən edilməsi üsullarını;
• Müxtəlif növ elektrik və qaz qaynağı aparatlarının istismarı və təmiri qaydalarını, quraşdırılmasını;
• İstehsalat və əmək intizamı  qaydalarını, əməyin mühafizəsi, təhlükəsizlik texnikası, istehsalat sanitariyası və yanğından mühafizənin  qayda və nоrmalarını.

Təhsil və iş təcrübəsinə dair;

• 5-ci dərəcəli Elektrik qaz qaynaqçısı peşəsi üçün müvafiq sahə üzrə peşə təhsili və yaxud sertifikat tələb olunur.
• İş təcrübəsi tələbi yoxdur.

Digər məlumatlar;

• Tibbi sığorta - təmin edilir
• İş yerinə çatdırılma - təmin edilmir
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az elektron poçt ünvanına müraciət ünvanlaya bilərlər.
• Müraciətin son tarixi - 22.09.2026