Usta (Lənkəran rayonu)

Vakansiyanın təsviri;

      Vəzifə haqqında məlumat:

• Müəssisə: SOCAR-ın "Azəriqaz" İstehsalat Birliyi, Lənkəran Regional Qaz İstismarı İdarəsi
• Struktur vahidi:  Lənkəran rayonu üzrə Qəza-bərpa xidməti
• Vəzifənin adı: Usta
• Dərəcə (ƏÖD): 10
• Əmək haqqı: 988 AZN (Vergi və digər ödənişlər daxil olmaqla)
• Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.
• İş rejimi: Növbəlidir
• İş yerinin ünvanı: Lənkəran rayonu, Göyşaban kəndi

Vəzifə funksiyaları;

• Qaz təchizatındakı problemlərlə bağlı məlumatları qəbul, təhlil və aidiyyəti üzrə icra etmək;
• Qəza, sızma və qaz iyi siqnalları üzrə tam təchizatlı briqadanı operativ hadisə yerinə çatdırmaq, sızmanı aşkar edib lokallaşdırmaq və ya aradan qaldırmaq;
• Qəza aradan qaldırıldıqdan sonra şəbəkəni bərpa etmək, həmçinin xarici siyirtmələr vasitəsilə idarə və təşkilatların qaz təchizatını təmin etmək;
• Görülən işlərin texniki sənədlərini tərtib etmək;
• Fəhlə briqadasını texniki istismar və təhlükəsizlik qaydaları üzrə bilavasitə iş yerində təlimatlandırmaq;
• Avadanlıqların mövcud norma, qayda və standartlara uyğun istismarına nəzarət etmək;
• Xidməti avtomobilin sazlığını və təyinatı üzrə idarə olunmasını təmin etmək;
• Qaz xətlərinə və cihazlara qanunsuz müdaxilə, qoşulma və yerdəyişmə hallarının qarşısını almaq, aşkarlandıqda koordinatlı fotoşəkili dərhal rəhbərliyə ötürmək;
• Texniki təhlükəsizlik, istehsalat sanitariyası, elektrik və yanğın təhlükəsizliyi normalarına riayət olunmasına nəzarət etmək.

Bilməlidir;

• Azərbaycan Respublikası Nazirlər Kabinetinin 2026-cı il 09 iyul tarixli 206 nömrəli qərarı ilə təsdiq edilmiş “Qazdan istifadə qaydaları”nı;
•  “Qaz təsərrüfatında texniki istismar qaydaları”nı;
•  “Qaz təsərrüfatında texniki təhlükəsizlik qaydaları” nı;
•  Qaz təchizatçılarından qaz qəbul edilən məntəqələrin adlarını, ünvanlarını;
•  İri istehlakçıların adlarını, qaz xətlərinin sxemlərını;
•  Kompressor stansiyaların texniki xarakteristikalarını;
•  QPS-lərin siyahısını;
• Xidmət göstərdiyi ərazidə istehlakçıların təbii qazla normal və təhlükəsiz təchizatını təmin etmək üçün istismar olunan qaz kəmərlərinin sinfini və növlərini;
• Yanğından mühafizə, gigiyena və sanitariya qaydalarını.

Təhsil və iş təcrübəsinə dair tələblər;

• Müvafiq ixtisas sahəsi üzrə ali təhsil olduqda 1 il müvafiq sahə üzrə iş təcrübəsi,
• Orta ixtisas təhsili olduqda 3 il müvafiq sahə üzrə iş təcrübəsi,
• Ali və ya orta ixtisas təhsili müvafiq ixtisas sahəsi üzrə olmadıqda 5 il müvafiq sahə üzrə iş təcrübəsi.

Digər məlumatlar;

• Tibbi sığorta - təmin edilir
• İş yerinə çatdırılma - təmin edilmir
• Son müraciət tarixi -22.10.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az emailinə müraciət ünvanlaya bilərlər.