Qaz avadanlıqlarının istismarı və təmiri üzrə çilingər (Sayğac əməliyyatları xidməti)

Vakansiyanın təsviri:

• Müəssisə: SOCAR-ın "Azəriqaz" İstehsalat Birliyi, Sumqayıt Regional Qaz İstismarı İdarəsi
• Struktur vahidi: Abşeron rayonu üzrə sayğac əməliyyatları xidməti
• İş yeri: Xırdalan şəhəri, Abşeron rayonu
• Vəzifənin adı: Qaz avadanlıqlarının istismarı və təmiri üzrə çilingər
• Dərəcə: (ƏÖD) 04
• Saatlıq əmək haqqı: 3.84 AZN 
• Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir. 
• İş rejimi: Tam iş vaxtı (5 günlük iş həftəsi, həftədə 40 saat)
• İş yerinin ünvanı: Abşeron rayonu, Ruhulla Axundov küçəsi

Vəzifə funksiyaları

• Nəzarət ölçü cihazlarının  təmiri, nizamlanması, sınağı, dəyişdirilməsi, quraşdırılması və təhvil verilməsi, onlarda göstəriciləri toplayan və məsafəyə ötürən mexanizmi olan avtomatik tənzimləmə qurğusunun qoymaq;
• Cihazların işindəki qüsurların aşkar edilməsi və aradan qaldırmaq;
• Xidmət göstərdiyi ərazidə dövrü olaraq (hər ay üçün müəyyən edilmiş tarixədək) istehlakçıların sayğac göstəricilərinin qeydiyyata alınması və məlumatların aidiyyəti üzrə təqdim etmək;
• Bildirişlər təqdim edildikdən sonra bir ay ərzində istifadə edilmiş qazın dəyəri ödənilmədiyi təqdirdə istehlakçıya verilən qaz təminatının dayandırılması və bu barədə xidmət sahəsinə məlumat təqdim etmək;
• Xidmət göstərdiyi ərazidə istehlakçıların təbii qazla təmin edilməsi zamanı yaranan problemlərin səlahiyyətləri daxilində aradan qaldırmaq;
• Təbii qazın istifadəsində hər hansı bir təhlükə aşkarlanarsa, həmin an qaz təchizatının dayandırılması və qanunvericiliklə nəzərdə tutulan zəruri tədbirləri görmək;
• Qanunsuz qoşulma halları aşkar edildikdə, dərhal qazpaylayıcı şəbəkədən ayırmaqla qazın verilməsinin dayandırması, sayğaca müdaxilə, habelə qanunsuz qoşulma halları aşkar edildikdə bu barədə akt tərtib edilməsi və həmin aktın 1 (bir) nüsxəsini barəsində akt tərtib edilmiş şəxsə (və ya onun səlahiyyətli nümayəndəsinə, yaxud yetkinlik yaşına çatmış ailə üzvlərindən birinə), 1 (bir) nüsxəsini isə inzibati xəta haqqında iş üzrə icraata başlanılması məsələsinə baxılması üçün EN-ə, cinayət tərkibinin əlamətləri olduqda isə cinayət təqibi orqanına təqdim etməsi üçün xidmət sahəsinə təqdim edilməsi;
• Qəza təhlükəsi olduqda qəza xidməti hadisə yerinə gələnədək lazımi təhlükəsizlik tədbirlərini görmək;
• Xidmət göstərdiyi ərazidə təbii qazdan səmərəli istifadə edilməsi, məqsədilə qaz itkisinə yol verilməməsinə nəzarət etmək;
• Sayğac əməliyyatları xidmətində 4-cü dərəcəli qaz avadanlıqlarının istismarı və təmiri üzrə çilingəri peşəsində çalışan işçilərin əmək normalarını daha yüksək səviyyədə və keyfiyyətlə yerinə yetirməsinə dəstək göstərmək;

Bilməlidir

• Qaz təchizatı haqqında Azərbaycan Respublikasının qanununu;
• Qazdan istifadə Qaydalarını; 
• Qaz təsərrüfatında texniki təhlükəsizlik qaydalarını;
• Qaz qurğularının tikintisinə, qurulmasına, istismarına və işçi vəziyyətdə saxlanmasına dair tələbləri;
• Qaz qurğularının qazın atmosferə buraxılmamasına, habelə qazın təzyiqinə, temperaturuna, tərkibinə və digər göstəricilərinə dair tələbləri;
• Qaz sərfinin qeydə alınması cihazlarına xidmət zamanı texniki təhlükəsizlik qaydalarını;
• Sərf ölçən qaz sayğacının iş prinsipini, quruluşunu və texniki xüsusiyyətlərini;
• Qaz itkilərinin növlərini, onun yaranma səbəblərini və aradan qaldırılması yollarını;
• Sayğac göstəricilərini qeydə alan əl terminalları, planşetlər, qaz açarları, kəlbətin, burğac, ara qatı, yağlı kəndir, manometr, qaz analizatoru, köpüklü su və bu kimi vasitələrin düzgün istifadə qaydalarını;
• Avadanlığın texniki istismar və onlara xidmət qaydalarını;
• İstifadə edilən alət və inventarları;
• Əməyin mühafizəsi və texniki təhlükəsizlik qaydalarını, həmçinin sanitariya-gigiyena norma və qaydalarını;
• Yanğından mühafizə üçün istifadə edilən vasitələri və yanğının söndürülməsi üsullarını;
• İstehsalat və əmək intizamı qaydalarını.

Təhsil və iş təcrübəsinə dair tələblər:

• Tam orta təhsil
• İş təcrübəsi tələbi yoxdur
• Əmək fəaliyyəti dövründə stajkecmə və peşə hazırlığı kurslarında əlavə təhsil tələb olunur.

Digər məlumatlar

• Tibbi sığorta:                     Təmin edilir
• İş yerinə çatdırılma:         Təmin edilmir
• İş yeri:                                Sumqayıt RQİİ, Abşeron rayonu
• Vakansiyaya son müraciət tarixi: 15.11.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az emailinə müraciət ünvanlaya bilərlər.