Vəzifənin adı:  Qaz təsərrüfatında qəza-bərpa işlərinin çilingəri (Nərimanov rayonu)

Vakansiyanın təsviri:

Müəssisə: SOCAR-ın "Azəriqaz" İstehsalat Birliyi, Bakı Regional Qaz İstismarı İdarəsi

Struktur vahidi: Nərimanov rayonu üzrə Qəza-bərpa xidməti

Vəzifənin adı: Qaz təsərrüfatında qəza-bərpa işlərinin çilingəri

Dərəcə (ƏÖD): 05

Əmək haqqı: 4,33 AZN saatlıq əmək haqqı (vergi və digər ödənişlər daxil olmaqla) 

Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.

İş rejimi: Növbəli

İş yerinin ünvanı: Nərimanov rayonu, Ə.Əlizadə küçəsi 24 (42)

Vəzifə funksiyaları:

• Məişət və sənaye qaz avadanlıqlarının, qazla işləyən sobaların və peçlərin təmir-bərpa işlərini yerinə yetirmək.

• Diametri 500 mm-dək olan aşağı, orta və yüksək təzyiqli qaz kəmərlərində qəza-təmir işlərini icra etmək.

• Qaz sızmalarını lokallaşdırmaq və aradan qaldırmaq.

• Qaz kəmərlərində bandaj, bilərzik, bərkidici və gücləndiriciləri quraşdırmaq.

• Fəaliyyətdə olan qaz kəmərlərində nişanlama, detal və qovşaqların hazırlanması və montajını yerinə yetirmək.

• Qaz kəmərlərinin hissə və kəsişmələrinin eskizlərini hazırlamaq.

• Yeraltı qaz kəmərlərinin yerini müəyyən etmək, texniki vəziyyətini yoxlamaq və elektron cihazlarla izolə etmək.

• İşlək qaz kəmərlərinin oyulması, quraşdırılması, sökülməsi, kəsilməsi, dəyişdirilməsi və təmirində çilingər işlərini yerinə yetirmək.

• Kondensat yığıcılarının və əlaqədar boruların quraşdırılması, dəyişdirilməsi, sökülməsi və mürəkkəb çilingər işlərini icra etmək.

• Qaz kəmərləri yaxınlığında aparılan işlər zamanı onların mühafizəsini təmin etmək.

• Xidməti avtomobili idarə etmək, yanacaq, sürtkü və soyuducu mayelərlə təmin etmək.

• Avtomobilin texniki vəziyyətini yoxlamaq, xəttə buraxmaq, geri qəbul etmək və ayrılmış yerdə saxlamaq.

Bilməlidir

• Qaz cihazlarının, məişət və sənaye avadanlıqlarının, qızdırıcı sobaların və peçlərin təmiri və texniki istismarı qaydaları.
• Qazın şəbəkəyə verilməsi, qaz avadanlıqlarının qoşulması və montajı qaydaları.
• Qaz şəbəkələri və kommunikasiyalarının yerləşmə sxemi.
• Qaz şəbəkələrinin təhlükəsiz istismarı və düzgün quraşdırılmasına nəzarət qaydaları.
• Diametri 500 mm-dək yüksək təzyiqli qaz kəmərlərində qəza-təmir işlərinin aparılması qaydaları.
• Avtomobillərə texniki xidmət, saxlanma, akkumulyator və şinlərin istismarı qaydaları.
• Təzə və əsaslı təmirdən çıxmış avtomobillərin yoxlanılması, tez korlanan və təhlükəli yüklərin daşınması qaydaları.
• Hava şəraitinin hərəkət təhlükəsizliyinə təsiri, yol-nəqliyyat hadisələrinin qarşısının alınması, radio qurğularından istifadə, sərnişinlərin minib-düşməsi qaydaları və onlara nəzarət.
• İstehsalat və əmək intizamı, əməyin mühafizəsi, təhlükəsizlik texnikası, istehsalat sanitariyası və yanğından mühafizə qayda və normaları.

Təhsil və iş təcrübəsinə dair tələblər:

Təhsil: tam orta təhsil;
 İş təcrübəsi: tələb edilmir.

Digər məlumatlar:

• Tibbi sığorta: təmin edilir;
• İş yerinə çatdırılma: təmin edilmir.
• Son müraciət tarixi: 01.10.2026
• Sürücülük vəsiqəsi tələbi: B və C kateqoriyalı sürücülük vəsiqəsinə sahib olmaq.

Müsabiqə mərhələləri ilə bağlı suallar yarandığı təqdirdə, namizədlər 

hr.azerigas@socar.az emailinə müraciət ünvanlaya bilərlər.