SOCAR Baş ofis, İnteqrə olunmuş analitika və icra hesabatları şöbəsində böyük mühəndis vəzifəsi üzrə vakansiya elan edir.

Əsas vəzifə öhdəlikləri:

• Müxtəlif mənbələrdən daxil olan əməliyyat, texniki, maliyyə və investisiya göstəricilərini konsolidasiya etmək və təhlil etmək;
• Seqmentə daxil olan müəssisələrin fəaliyyət və səmərəlilik göstəricilərini təhlil etmək, nəticələri təsdiq edilmiş plan və hədəflərlə müqayisə etmək;
• Kənarlaşmalar üzrə kök-səbəb təhlili aparmaq, əsas risk və imkanları müəyyənləşdirmək və rəhbərlik üçün analitik nəticə və tövsiyələr hazırlamaq;
• ƏSG/KPI-ların müəyyənləşdirilməsi, monitorinqi, hesablama metodologiyalarının təkmilləşdirilməsi və hədəflərin formalaşdırılmasında iştirak etmək;
• Rəhbərlik üçün icra hesabatları, analitik arayışlar, təqdimatlar və idarəetmə lövhələri (dashboard) hazırlamaq;
• Əməliyyat səmərəliliyinin artırılması, biznes proseslərinin optimallaşdırılması və transformasiya təşəbbüslərinin qiymətləndirilməsi üzrə analitik dəstək göstərmək;
• Hesabatların hazırlanması və məlumatların təhlili proseslərinin sadələşdirilməsi və avtomatlaşdırılması üzrə təkliflər vermək.

Namizədə tələblər:

• İqtisadi analitika, biznesin mükəmməlliyi, performans/ƏSG/KPI idarəetməsi, aktivlərin təhlili, biznes analitikası, proseslərin optimallaşdırılması və ya idarəetmə hesabatlılığı sahələrində minimum 5 il iş təcrübəsi (neft-qaz və ya enerji sektorunda təcrübə üstünlükdür);
• Aktivlərin performansının qiymətləndirilməsi və əsas əməliyyat, texniki və maliyyə göstəricilərinin təhlili;
• Biznesin mükəmməlliyi, əməliyyat səmərəliliyi və biznes proseslərinin optimallaşdırılması üzrə əsas yanaşma və prinsiplər;
• İnteqrə olunmuş analitika, plan-fakt, trend, kənarlaşma və kök-səbəb təhlili metodları;
• ƏSG/KPI-ların hazırlanması, hesablanması, monitorinqi və hesabatlandırılması yanaşmaları;
• İcra hesabatlarının, analitik cədvəllərin, təqdimatların və idarəetmə lövhələrinin hazırlanması prinsipləri;
• MS Excel proqramında məlumatların təhlili və hesabatların hazırlanması üzrə yüksək səviyyədə işləmək bacarığı;
• PowerPoint proqramında aydın və strukturlaşdırılmış rəhbərlik təqdimatları hazırlamaq bacarığı;
• Məlumatları strukturlaşdırmaq, təhlil etmək və vizuallaşdırmaq bacarığı (Power BI bilikləri üstünlükdür);
• Azərbaycan və ingilis dillərini sərbəst bilmək (rus dili üstünlükdür).

Biz nə təklif edirik?

• Peşəkar iş mühiti;
• Peşəkar inkişaf və karyera imkanları;
• Rəqabətqabiliyyətli əməkhaqqı və müavinətlər paketi;
• SOCAR Tower-də yerləşən idman zalından istifadə imkanı daxil olmaqla tibbi sığorta və sağlamlıqla bağlı əlavə üstünlüklər;
• Nəqliyyat xidmətləri.

İş yeri: SOCAR Tower, H.Əliyev prospekti 121, Bakı, Azərbaycan

Son müraciət tarixi: 26.09.2026