Böyük mühəndis (Əmək normalarının işlənməsi)

Böyük mühəndis vəzifəsinə əməkdaş axtarılır.

Vəzifə haqqında məlumatlar:

Müəssisə: SOCAR-ın Əmək şəraiti normalarının işlənməsi İdarəsi

Struktur vahidi: Əmək normalarının işlənməsi şöbəsi

Vəzifənin adı: Böyük mühəndis

Dərəcə: 15

Vəzifənin icra etdiyi funksiyalar:

• Müəssisənin təşkilati strukturunun dizayn olunması, əsaslandırılması və optimallaşdırılması üzrə təkliflərin hazırlanması;
• Struktur bölmələr üzrə optimal işçi sayının müəyyən edilməsi və ştat tərkibinin formalaşdırılması;
• Əmək proseslərinin təhlili, təkmilləşdirilməsi və normalaşdırılması;
• Proseslər üzrə iş vaxtı sərfinin ölçülməsi və vaxt normalarının hesablanması;
• İş yükü analizlərinin və müşahidə-ölçmə işlərinin aparılması;
• İdarəetmə normalarının (span of control) müəyyən olunması;
• Müəssisənin istehsal gücünün (hasilat normalarının) və xidmət normalarının hesablanması;
• Əmək normalarının tətbiqi, monitorinqi və təkmilləşdirilməsi;
• Struktur və ştat dəyişikliklərinin normativ əsaslandırılmasının aparılması;
• Normalaşdırma üzrə hesabatların, analitik arayışların və metodiki materialların hazırlanması;
• Aidiyyəti struktur bölmələri ilə qarşılıqlı əməkdaşlığın təmin edilməsi;
• Normalaşdırma sahəsində qüvvədə olan normativ-hüquqi sənədlərin tələblərinə riayət olunmasının təmin edilməsi.

Vəzifə üzrə işə qəbul tələbləri:

• Ali təhsil (iqtisadiyyat, idarəetmə, insan resurslarının idarəolunması sahələri üzrə);
• Minimum 4 il mütəxəssis və rəhbər vəzifələrdə iş təcrübəsi (əməyin normalaşdırılması, işçi sayının planlaşdırılması, optimallaşdırılması və oxşar sahələr üzrə);
• Əməyin normalaşdırılması metodları və əmək qanunvericiliyi üzrə biliklər;
• Təşkilati dizayn, proses analizi və optimallaşdırılması üzrə biliklər;
• İşçi ehtiyacının müəyyən olunması və işçi qüvvəsinin planlanması üzrə biliklər;
• İş dizaynı və iş axını diaqramlarının hazırlanması (xəritələndirilməsi) üzrə nəzəri və praktiki biliklər;
• Ştat cədvəlinin və ştat vahidlərinin formalaşdırılması üzrə praktiki biliklər;
• MS Excel, Power BI, Visio proqramlarında sərbəst işləmək bacarığı;
• İngilis dili və Rus dili (B1+);
• Analitik düşünmə, hesablamalar aparmaq və nəticələri əsaslandırmaq bacarığı;
• Detallara diqqət, güclü ünsiyyət və təqdimat bacarıqları;
• Məsuliyyətlilik, icra intizamı və komandada işləmək bacarığı.

Güzəştlər və imtiyazlar:

• Sabit və etibarlı iş mühiti;
• Peşəkar komandada inkişaf və karyera imkanları;
• Güzəştli istirahət imkanı;
• Pulsuz parkinq xidməti.

Uyğun namizədlər müraciət edə bilər.