Böyük mühəndis (Bakı şəhəri, Tənzimləyici münasibətlər və NİD)

Vakansiyanın təsviri:

Vəzifə haqqında məlumatlar

• Müəssisə: SOCAR-ın "Azəriqaz" İstehsalat Birliyi, İdarəetmə aparatı
• Struktur vahidi: Tənzimləyici münasibətlər və normativ idarəetmə departamenti
• Vəzifənin adı: Böyük mühəndis
• Dərəcə (ƏÖD): 15
• Vəzifə maaşı: 2183,00 AZN (vergi və digər ödənişlər daxil olmaqla)
• Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.
• İş rejimi: Tam iş vaxtı (5 günlük iş həftəsi, həftədə 40 saat)
• İş yerinin ünvanı: Bakı şəhəri, Xətai rayonu, Yusif Səfərov 35 ("Azəriqaz" İB-nin inzibati binası)

Vəzifə funksiyaları:

• Birliyin fəaliyyət istiqamətinə aid normativ hüquqi aktların layihələrinin texniki ekspertizasını aparmaq, rəy və təkliflər vermək;
• Daxili normativ sənədlərin hazırlanmasında və təkmilləşdirilməsində iştirak etmək;
• Texniki normativ sənədlərin tətbiqi zamanı yaranan problemləri təhlil etmək, metodiki izah və tövsiyələr hazırlamaq;
• Normativ hüquqi akt və digər tənzimləyici sənədlərdə dəyişikliklərin Birliyin fəaliyyətinə təsirini qiymətləndirmək;
• Texniki norma, standart və daxili normativ sənədlərin tətbiq vəziyyətini təhlil etmək və təkmilləşdirilməsi üzrə təkliflər hazırlamaq;
• Texniki normativ tənzimləmə sahəsində informativ-analitik və metodiki fəaliyyət həyata keçirmək;
• Daxil olmuş müraciətlərə texniki rəy vermək və zərurət olduqda texniki mübahisələrin araşdırılmasında iştirak etmək;
• Texniki reqlament, standart, norma və qaydaların tətbiqi üzrə metodoloji təminatı həyata keçirmək;
• Əməkdaşların və müvafiq istehlakçıların texniki norma və qaydalar üzrə maarifləndirilməsi, təlimlərin təşkili və peşə biliklərinin qiymətləndirilməsində iştirak etmək;
• Texniki normativ tənzimləmə sahəsində beynəlxalq təcrübəni öyrənmək və aidiyyəti qurumlarla əməkdaşlıq etmək;
• Əməyin mühafizəsi, texniki təhlükəsizlik, istehsalat sanitariyası və yanğından mühafizə qaydalarına riayət etmək;
• Rəhbərliyin tapşırıqlarını vaxtında və keyfiyyətlə yerinə yetirmək, məxfiliyi qorumaq, peşəkar bilikləri artırmaq və komissiyaların fəaliyyətində iştirak etmək;
• SOCAR tərəfindən təsdiq olunmuş əməyin mühafizəsi üzrə vahid idarəetmə sistemini rəhbər tutmaq.

Bilməlidir:

• Qazdan istifadə qaydaları haqqında Azərbaycan Respublikası Nazirlər Kabinetinin 2026-cı il 09 iyul tarixli 206 nömrəli qərarını;
• Müayinə və texniki xidmət məlumatları üzrə reyestrin aparılması və ondan istifadə Qaydaları haqqında Azərbaycan Respublikası Nazirlər Kabinetinin 2026-cı il 19 mart tarixli 85 nömrəli qərarını;
• Qaz təchizatı sisteminə dair Azərbaycan Respublikası Nazirlər Kabinetinin 2026-cı il 22 iyun tarixli 189 nömrəli qərarını;
• Təbii qazın ölkədaxili tariflərinin tənzimlənməsi barədə AR Tarif (qiymət) Şurasının 2024-cü il 29 dekabr tarixli 18 nömrəli qərarını;
• Vətəndaşların müraciətləri haqqında Azərbaycan Respublikası Prezidentinin 30 sentyabr 2015-ci il tarixli 1308-IVQ nömrəli qərarını;
• Qaz təsərrüfatında texniki istismar və texniki təhlükəsizlik qaydalarını;
• Sahəsinə uyğun Azərbaycan Respublikasının qanunvericiliyini;
• Texniki normativ tənzimləmə sahəsində beynəlxalq təcrübəni;
• Maliyyə ilə bağlı tarif strukturları və tənzimləyici çərçivələr haqqında anlayışları;
• Təhlil alətlərini və proqram təminatı üzrə bilikləri;
• Əməyin mühafizəsi və təhlükəsizlik texnikası qaydaları üzrə SOCAR tərəfindən təsdiq olunmuş "Azərbaycan neft sənayesində əməyin mühafizəsinin Vahid idarəetmə Sistemi"ni.

Təhsil və iş təcrübəsinə dair tələblər:

• Təhsil istiqaməti: Müvafiq sahəsi üzrə ali təhsil;
• İş təcrübəsi: Müvafiq sahə üzrə 4 il (tənzimləmə, nəzarət, normativ sənədlərlə iş, reqlamentlərin, qaydaların tərtibi) iş təcrübəsi;
• İngilis dili biliyi — yaxşı səviyyədə;
• MS Office proqramları (Word, Excel, PowerPoint, Outlook) — yaxşı səviyyədə;

Digər məlumatlar:

• Tibbi sığorta: Təmin edilir.
• Nəqliyyat: İş yerinə çatdırılma təmin edilmir.
• Son müraciət tarixi:  13.11.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az emailinə müraciət ünvanlaya bilərlər.