Aparıcı iqtisadçı (Maliyyə və nəzarət şöbəsi)

Vakansiyanın təsviri:

Müəssisə: SOCAR-ın "Azəriqaz" İstehsalat Birliyi, idarəetmə aparatı

İdarəsiStruktur vahidi: Maliyyə nəzarəti şöbəsi

Vəzifənin adı: Aparıcı iqtisadçı

Dərəcə (ƏÖD): 15

Əmək haqqı: 2.183,00 (vergi və digər ödənişlər daxil olmaqla)

Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.

İş rejimi: Tam iş vaxtı (5 günlük iş həftəsi, həftədə 40 saat)

İş yerinin ünvanı: Xətai rayonu, Yusif Səfərov 35.

Vəzifə funksiyaları:

• Satınalma tələblərinin, müqavilə və ödəniş sənədlərinin büdcə təminatı, iqtisadi səmərəlilik, biznes ehtiyacı və təsdiq səlahiyyətləri üzrə yoxlamaq;
• Əməliyyat (OPEX) və kapital (CAPEX) xərclərin düzgün təsnifatına, büdcə limitlərinə və vəsaitlərin təyinatı üzrə istifadəsinə nəzarət etmək;
• Maliyyə və idarəetmə hesabatlarının düzgünlüyünü, hesab qalıqlarını və məlumat mənbələri arasında uzlaşmaları yoxlamaq;
• Debitor və kreditor borclarının, ehtiyatların və pul axınlarının monitorinqi, əlaqəli maliyyə risklərini qiymətləndirmək;
• Daxili nəzarət prosedurlarını qiymətləndirmək, nəzarət boşluqlarını aşkarlamaq və təkmilləşdirmə təkliflərini hazırlamaq;
• Maliyyə proseslərinin və prosedurlarının işlənib hazırlanmasında və təkmilləşdirilməsində iştirak etmək;
• Struktur bölmələrdən əsaslandırmaları almaq, rəhbərliyə dövri maliyyə nəzarəti hesabatları və əsaslandırılmış rəyləri təqdim etmək;
• Xərc təşəbbüslərinin biznes əsaslandırmasını təhlil etmək: xərcin zəruriliyini, müəssisəyə gətirəcəyi faydanı və alternativ variantları qiymətləndirmək;
• Xərclərin daxili siyasət və prosedurlara uyğun düzgün hesablanmasını və bölüşdürülməsini yoxlamaq;
• İnvestisiya layihələrinin iqtisadi səmərəliliyini (NPV, IRR, geri ödəmə müddəti və s.), strateji prioritetlərə və biznes ehtiyacına uyğunluğunu layihə icarasından əvvəl və icra mərhələsində qiymətləndirmək;
• Xərclərə və büdcənin icrasına nəzarət etmək, plan-fakt kənarlaşmalarını təhlil edərək səbəblərini müəyyənləşdirmək və rəhbərliyə məlumat vermək;
• Müəssisənin xərclər strukturunun (CAPEX/OPEX) təhlili və optimallaşdırılması üzrə təkliflər hazırlamaq;
• Audit yoxlamaları və daxili nəzarət proseslərində şöbə rəisinə metodiki  və analitik dəstək göstərmək.

Bilməlidir:

• Maliyyə nəzarəti və daxili nəzarət prinsiplərini;
• MHBS (IFRS) prinsipləri, P&L, balans və pul axını hesabatlarının qarşılıqlı əlaqəsi, onların oxunması və interpretasiyasını;
• Xərc uçotu, maya dəyəri, CAPEX/OPEX təsnifatı və dövriyyə kapitalının idarə edilməsi;
• Satınalma, müqavilə və ödəniş proseslərində maliyyə nəzarəti mexanizmlərini;
• İnvestisiya layihələrinin səmərəlilik təhlillərinin aparılmasını;
• İngilis dili — peşəkar səviyyədə (maliyyə sənədləri və işgüzar yazışmalar);
• MS office proqramları (Word, excel – peşəkar səviyyə).

Təhsil və iş təcrübəsinə dair tələblər:

• Təhsil: Bakalavr təhsili;
• İş təcrübəsi: Müvafiq sahə üzrə 4 il iş təcrübəsi;

Müvafiq sahə üzrə iş təcrübəsi dedikdə - maliyyə nəzarəti, maliyyə təhlili, audit və ya maliyyə hesabatlılığı üzrə üzrə iş təcrübəsi nəzərdə tutulur.

 ACCA, CFA, CIMA və ya CIA üzrə sertifikat və ya müvafiq imtahanların tamamlanması üstünlükdür.

 Böyük müəssisələrdə və ya “Big 4” audit şirkətlərində təcrübə üstünlükdür.

Digər məlumatlar:

• Tibbi sığorta: təmin edilir;
• İş yerinə çatdırılma: təmin edilmir.
• Son müraciət tarixi: 08.11.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az emailinə müraciət ünvanlaya bilərlər.