Qaz təsərrüfatının nəzarətçisi (Salyan RQİİ, İmişli rayonu, Müayinə və istismara qəbul xidməti)

Vəzifə haqqında məlumatlar:

Müəssisə: SOCAR-ın "Azəriqaz" İstehsalat Birliyi, Salyan Regional Qaz İstismarı İdarəsi

Struktur vahidi: İmişli rayonu üzrə Müayinə və istismara qəbul xidməti

Vəzifənin adı: Qaz təsərrüfatının nəzarətçisi

Dərəcə (ƏÖD): 05

Saatlıq əmək haqqı: 4,33 AZN (vergi və digər ödənişlər daxil olmaqla)

Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.

İş rejimi: Tam iş vaxtı (5 günlük iş həftəsi, həftədə 40 saat)

İş yerinin ünvanı: İmişli şəhəri, M.Əzizbəyov küçəsi 1

Vəzifə funksiyaları:

• Qaz kəmərlərinin, qaz xətlərinin, qurğuların və qaz avadanlıqlarının mütəmadi texniki müayinəsini aparmaq.
• Qaz təchizatı sistemində təhlükəli hallar, qaz sızmaları və texniki nasazlıqları aşkar etmək.
• Havalandırma, havadəyişmə xətləri, tüstü bacaları və təhlükəsizlik elementlərinin işlək vəziyyətini yoxlamaq.
• Standartlara uyğun olmayan və təhlükəli qaz avadanlıqlarını aşkar etdikdə müvafiq tədbirlər görmək və zərurət olduqda qaz təchizatını dayandırmaq.
• Müayinə zamanı aşkar edilmiş nöqsanları aktlaşdırmaq və texniki xidmətin qanunvericilikdə nəzərdə tutulmuş müddətdə təşkilini təmin etmək.
• Planlı müayinələr barədə istehlakçını əvvəlcədən məlumatlandırmaq, müayinə aktlarını tərtib etmək və aidiyyəti üzrə təqdim etmək.
• İstehlakçının müraciəti əsasında təkrar müayinələri müəyyən edilmiş müddətdə həyata keçirmək.
• Müayinənin aparılmasına maneə yarandıqda və ya təhlükə aşkar edildikdə qanunvericiliyə uyğun qazın verilməsini dayandırmaq.
• Qanunsuz qoşulma, sayğaca müdaxilə və icazəsiz qaz işləri aşkar etdikdə akt tərtib etmək və aidiyyəti üzrə məlumat vermək.
• Qəza təhlükəsi zamanı qəza xidməti gələnədək zəruri təhlükəsizlik tədbirlərini həyata keçirmək.
• Qaz təchizatı üzrə müqavilələrin bağlanmasını və müddəti bitmiş müqavilələrin yenilənməsini təmin etmək.
• Qaz itkilərinin qarşısının alınmasına, istehlakçıların qaz təchizatında yaranan problemlərin həllinə və qazdan səmərəli istifadəyə nəzarət etmək.
• Abonentləri təbii qazdan təhlükəsiz istifadə qaydaları barədə təlimatlandırmaq.
• Əməyin mühafizəsi, texniki təhlükəsizlik, sanitariya-gigiyena və yanğın təhlükəsizliyi qaydalarına riayət etmək.
• İstehlakçılara etik davranış qaydalarına uyğun keyfiyyətli xidmət göstərmək.
• Xidmətin fəaliyyətinin səmərəli təşkili və əmək keyfiyyətinin yüksəldilməsinə dəstək vermək.

Bilməlidir:

• Azərbaycan Respublikasının "Qaz təchizatı haqqında" Qanununu və Qazdan istifadə Qaydalarını.
• Qaz təsərrüfatında texniki təhlükəsizlik, qaz qurğularının tikintisi, quraşdırılması, istismarı və saxlanılması üzrə normativ tələbləri.
• Qaz qurğularında qazın atmosferə buraxılmaması, qazın təzyiqi, temperaturu, tərkibi və digər texniki göstəricilərə dair tələbləri.
• Tüstü bacaları, qaz xətləri, havalandırma və havadəyişmə sistemlərinin müayinə və təhlükəsiz istismar qaydalarını.
• Müayinə, texniki xidmət, monitorinq və müvafiq reyestrin aparılması qaydalarını.
• Qaz itkilərinin növlərini, yaranma səbəblərini və aradan qaldırılması üsullarını.
• Görülən işlərin texnoloji prosesini, avadanlıqların texniki istismar və xidmət qaydalarını.
• İstifadə olunan alət, cihaz və inventarlarla işləmə qaydalarını.
• Əməyin mühafizəsi, texniki təhlükəsizlik, sanitariya-gigiyena, yanğın təhlükəsizliyi və istehsalat intizamı qaydalarını.

Təhsil və iş təcrübəsinə dair tələblər:

Tələb edilən təhsil - tam orta təhsil;

İş təcrübəsi - tələb edilmir.

Əmək fəaliyyəti dövründə stajkecmə və peşə hazırlığı kurslarında əlavə təhsil tələb olunur.

Vəzifənin tələb etdiyi səriştəliklər:

• Dürüstlük;
• Etik davranış;
• Məsuliyyət;
• Nizam-intizam;
• Şifahi özünüifadə.

Digər məlumatlar:

• Tibbi sığorta:  Təmin edilir;
• Nəqliyyat:        İş yerinə çatdırılma təmin edilmir;
• Son müraciət tarixi:  03.09.2026