Qaz təsərrüfatının nəzarətçisi (Cəlilabad rayonu)

SOCAR-da karyeranıza doğru ilk addım

SOCAR-da işə qəbul prosesi elektron müraciət, ilkin seçim, test və/və ya müsahibə mərhələlərindən ibarət şəffaf və rəqabətli seçim əsasında həyata keçirilir.

Qeyd: Hər bir namizədin eyni vaxtda yalnız 1 vakansiya üzrə aktiv müraciəti ola bilər. Nəzərinizə çatdırırıq ki, digər müraciətləri aşkarlanmış namizədlər avtomatik müvafiq vakansiya üzrə proseslərdən imtina ediləcəkdir.

Vakansiyanın təsviri:

• Müəssisə: SOCAR-ın "Azəriqaz" İstehsalat Birliyi, Lənkəran Regional Qaz İstismarı İdarəsi:
• Struktur vahidi: Cəlilabad rayonu üzrə Müayinə və istismara qəbul xidməti;
• Vəzifənin adı: qaz təsərrüfatının nəzarətçisi;
• Dərəcə:(ƏÖD) 05;
• Saatlıq əmək haqqı: 4.33 AZN (vergi və digər ödənişlər daxil olmaqla);
• Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir;
• İş rejimi: Tam iş vaxtı (5 günlük iş həftəsi, həftədə 40 saat);
• İş yerinin ünvanı: Cəlilabad şəhəri, H.Əliyev prospekti 168.

Vəzifə funksiyaları:

• Qaz kəmərləri, boru xətləri və qaz qurğularını müayinə etmək;
• Qaz avadanlıqlarının texniki vəziyyətini yoxlamaq;
• Aşkar edilmiş nöqsanlar üzrə texniki xidmət seçimini aktda qeyd etmək;
• İstehlakçıları 5 iş günü əvvəl məlumatlandırmaqla ildə bir dəfə müayinə aparmaq;
• Qaz xətlərinin yerləşdiyi sahələrdə havalandırmanı yoxlamaq;
• Qaz cihaz və avadanlıqlarının sertifikatlı və istifadəyə yararlı olmasını yoxlamaq;
• Standartlara uyğun olmayan və təhlükəli qaz avadanlıqları barədə rəhbərliyə məlumat vermək;
• Təhlükəli və müayinədən keçməmiş qaz avadanlıqlarını şəbəkədən ayırmaq;
• Qeyri-standart avadanlıq aşkar etdikdə istehlakçını xəbərdar etmək və tədbir görmək;
• İstehlakçılarla qazın alqı-satqısı müqavilələrinin bağlanmasını təmin etmək;
• Müddəti bitmiş müqavilələrin yenilənməsini təmin etmək;
• Qaz qurğuları, qaz xətləri, tüstü bacaları və havalandırma sistemlərinin texniki vəziyyətini yoxlamaq;
• İllik müayinənin nəticələrini aktla rəsmiləşdirərək bir nüsxəsini istehlakçıya təqdim etmək;
• Aşkar edilmiş nöqsanlar üzrə texniki xidmət seçimini aktda qeyd etmək;
• Müayinəyə maneə yaradıldıqda akt tərtib etmək və qazın verilməsini dayandırmaq.

Bilməlidir:

• Qaz təchizatı qanunvericiliyini və istifadə qaydalarını;

• Qaz təsərrüfatı, qurğuları və tüstü bacalarının texniki təhlükəsizlik, tikinti və istismar tələblərini;

• Müayinə, texniki xidmət, monitorinq qaydalarını və məlumat reyestrinin aparılmasını;

• Qaz itkilərinin növlərini, yaranma səbəblərini və aradan qaldırılması yollarını;

• İşlərin texnoloji prosesini, avadanlıqların istismar qaydalarını, alət və inventarları;

• Əməyin mühafizəsi, texniki təhlükəsizlik, sanitariya-gigiyena və yanğından mühafizə normalarını.

Təhsil və iş təcrübəsinə dair tələblər:

• Təhsil: Tam orta təhsil;
• İş təcrübəsi: tələb edilmir.
• Əmək fəaliyyəti dövründə stajkecmə və peşə hazırlığı kurslarında əlavə təhsil tələb olunur.

Digər məlumatlar:

• Tibbi sığorta: təmin edilir;
• İş yerinə çatdırılma; təmin edilmir. 
• Son müraciət tarixi: 07.10.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az elektron poçt ünvanına müraciət ünvanlaya bilərlər.