Mühəndis (Texniki istismar şöbəsi)

Vakansiyanın təsviri;

Vəzifə haqqında məlumatlar: 

Müəssisə: SOCAR-ın "Azəriqaz" İstehsalat Birliyi, Lənkəran RQİİ

Struktur vahidi: Texniki istismar şöbəsi 

Vəzifənin adı: Mühəndis

Dərəcə (ƏÖD): 11

Vəzifə maaşı: 1090,00 AZN (vergi və digər ödənişlər daxil olmaqla)

Nahar ödənişi: SOCAR-ın müvafiq qərarına əsasən hər faktiki işlədiyi iş gününə görə 5 AZN yemək xərci ödənilir.

İş rejimi: Tam iş vaxtı (5 günlük iş həftəsi, həftədə 40 saat)

İş yerinin ünvanı: Lənkəran şəhəri, Şəhidlər Xiyabanı küçəsi 169 (Lənkəran RQİİ-nin inzibati binası). 

Vəzifə funsiyaları;

• Qaz şəbəkələri, qaztənzimləyici məntəqələr, elektrokimyəvi mühafizə qurğuları və digər avadanlıqlar üzrə texniki baxış, texniki xidmət və texniki müayinə qrafiklərini hazırlayır, təsdiq üçün təqdim edir və onların icrasına nəzarət edir.
• Texniki xidmət zamanı aşkar edilmiş nasazlıqlar, cari və əsaslı təmir tələb edən obyektlər barədə aidiyyəti struktur bölmələrinə məlumat verir.
• Qaz kəmərlərinin diaqnostikasını, texniki qiymətləndirilməsini, kiplik və möhkəmlik sınaqlarını təşkil edir və nəticələrinə nəzarət edir.
• Sənaye obyektlərinin və qazlaşdırılmış obyektlərin istismara qəbulunda iştirak edir, görülən işlərin layihə-smeta sənədlərinə və normativ tələblərə uyğunluğunu yoxlayaraq rəy verir.
• Qaz şəbəkəsi ilə bağlı daxil olan müraciətləri araşdırır, texniki məlumatları toplayır, elektron məlumat bazasını və texniki sənədləri yeniləyir.
• Qəza və təmir işləri zamanı texnoloji və itirilmiş qaz həcmini hesablayaraq aidiyyəti struktur bölmələrinə təqdim edir.
• Qaz təsərrüfatı pasportlarının, texniki sənədlərin, eskiz və sxemlərin hazırlanmasında və aktuallaşdırılmasında iştirak edir.
• Fərdi yaşayış evləri və digər obyektlərin qazlaşdırılması ilə bağlı texniki sənədlərin hazırlanmasında iştirak edir, müraciətləri və sənədləri qəbul edir, aidiyyəti üzrə təqdim edir.
• Podrat təşkilatları tərəfindən görülmüş işlərin uçotunu aparır və müvafiq məlumatları toplayır.
• Qaztənzimləyici məntəqələrdə ölçü, hesablama, analiz və digər texnoloji avadanlıqların normativ sənədlərin tələblərinə uyğunluğunu yoxlayır.
• Əməyin mühafizəsi, sənaye təhlükəsizliyi və texniki istismar qaydalarının tələblərinə riayət edir, rəhbərliyin səlahiyyətləri çərçivəsində verilən digər xidməti tapşırıqları yerinə yetirir.

Bilməlidir;

• Azərbaycan Respublikası Nazirlər Kabinetinin  9 iyul 2026-cı il tarixli 206 nömrəli qərarı ilə təsdiq edilmiş “Qazdan istifadə Qaydaları”nı;
• “Qaz təsərrüfatında texniki istismar qaydaları”nı;
• “Qaz təsərrüfatında texniki təhlükəsizlik qaydaları”nı;
• Tikinti norma və qaydalarını;
• Layihə Smeta Sənədlərinin oxunmasını;
• Təbii qaz itkilərinin yaranma səbəblərini və aradan qaldırılması yollarını;
• Qaz təsərrüfatında elm və texnikanın son nailiyyətlərinə cavab verən avadanlıq, cihaz və sayğacların tətbiqi barədə məlumatları;
• İstismarda olan qaz avadanlıqlarına texniki xidmətin göstərilməsi qaydalarını və bu işlərin mövcud qaydalara uyğun olaraq sənədləşdirilməsini;
• Qaz kəmərlərinin korroziyadan aktiv və passiv mühafizə qaydalarını, katod, drenaj və protektor qurğularının iş prinsipini;
• Qaz kəmərləri və qurğularında aparılmış işlər barədə istismar pasportlarında müvafiq qeydiyyatların aparılmasını;
• Texnoloji itkilərin hesabatını, qaz kəmərlərinin kipliyə və möhkəmliyə yoxlanılması qaydalarını.

Təhsil və iş təcrübəsinə dair tələblər;

Müvafiq sahə üzrə bakalavr təhsil və  müvafiq sahə üzrə 1 il iş təcrübəsi.

Digər məlumatlar;

• Tibbi sığorta:               Təmin edilir.
• İş yerinə çatdırılma:    Təmin edilmir. 
• Müraciətin son tarixi:   07.10.2026
• Müsabiqə mərhələləri ilə bağlı suallar yarandığı təqdirdə, namizədlər hr.azerigas@socar.az emailinə müraciət ünvanlaya bilərlər.