Böyük mühəndis (Mühəndislik və layihə şöbəsi, Zaqatala rayonu)

Vakansiya təsviri;

Vəzifə haqqında məlumatlar:

Müəssisə: SOCAR-ın "Azəriqaz" İstehsalat Birliyi, Zaqatala Regional Qaz İstismarı İdarəsi 

Struktur vahidi: Mühəndislik və layihə şöbəsi

Vəzifənin adı: Böyük mühəndis

Dərəcə (ƏÖD): 12

Vəzifə maaşı: 1212,00 AZN (vergi və digər ödənişlər daxil olmaqla)

Nahar ödənişi: Socarın müvafiq qərarına əsasən hər faktiki işlədiyi  iş gününə görə 5 AZN yemək xərci ödənilir.

İş rejimi: Tam iş vaxtı ( 5 günlük iş həftəsi, həftədə 40 saat) 

İş yerinin ünvanı: Zaqatala rayonu, Faiq Əmirov küçəsi 1/11

Vəzifə funksiyaları;

• Qaz layihələrinin sxemlərini və qaz infrastrukturu üzrə mühəndislik işlərinin layihələndirilməsini və koordinasiyasını həyata keçirmək;
• İllik və uzunmüddətli tikinti və əsaslı təmir proqramlarının hazırlanması üçün tələb olunan situasiya planlarını tərtib etmək;
• Layihə cədvəllərini hazırlamaq, işlərin cədvələ uyğun icrasına nəzarət etmək və hesabatlar hazırlamaq;
• Layihə şirkətlərinin layihə icra proseslərinə texniki nəzarət və uyğunluq yoxlanışlarını həyata keçirmək;
• Layihələrin icrası zamanı texniki dəstək və konsultasiya təmin etmək;
• Layihələrin keyfiyyətinə nəzarət etmək və texniki ekspertiza aparmaq;
• Layihə sənədlərinin arxivləşmə və sənədləşmə qaydalarına uyğun saxlanılmasını təmin etmək;
• Qazlaşdırılan təyinatından asılı olmayaraq bütün binalarda qəza hallarında təhlükəsizliyin təmin edilməsi məqsədilə qaz verilişini dayandıran qurğular və avtomatik sistemləri layihələrdə nəzərdə tutmaq;
• Coğrafi informasiya sistemlərində (GİS) xəritələşdirmə işlərini, rəqəmsal məlumat bazalarının formalaşdırılmasını və onların daimi yenilənməsinə nəzarəti həyata keçirmək;
• Tikinti və əsaslı təmir işlərinin gedişatında uzaqdan rəqəmsal nəzarət mexanizmi olan EyesOnSite sistemini mütəmadi tətbiq etmək;
• RQİİ-nin xidməti ərazisində qaz şəbəkəsinin tikintisi və ya əsaslı təmiri zamanı yerində monitorinq aparmaq, faktiki görülmüş işləri GİS sisteminə daxil etmək;
• Tikinti sahələrinin ilkin vəziyyətinin sənədləşdirilməsini və hesabatlılığını təmin etmək, bununla bağlı aidiyyəti sənədləri tərtib etmək.

Bilməlidir;

• Azərbaycan Respublikası Nazirlər Kabinetinin 9 iyul 2026-cı il tarixli 206 nömrəli qərarı ilə təsdiq edilmiş "Qazdan istifadə Qaydaları"nı;
• “Qaz təsərrüfatında texniki istismar qaydaları”nı;
• “Qaz təsərrüfatında texniki təhlükəsizlik qaydaları” nı;
• Azərbaycan Respublikası Dövlət Şəhərsalma və Arxitektura Komitəsi kollegiyasının 09 iyun 2015-ci il tarixli 03 №-li qərarı ilə təsdiq edilmiş AzDTN 2.13-1 “Qaz təchizatı layihələndirmə normaları”nı.
• Qaz xətlərinin sxemlərinin oxunmasını;
• "Qaz təchizatı şəbəkəsində qəza halları nəticəsində atmosferə atılan qaz həcmlərinin təyini metodikası"nı.

Təhsil və iş təcrübəsinə dair tələblər;

Müvafiq sahə üzrə bakalavr təhsilli və müvafiq sahə üzrə mütəxəssis vəzifəsində 1 il iş təcrübəsi tələb olunur.

Digər məlumatlar;

• Tibbi sığorta: Təmin edilir.
• İş yerinə çatdırılma: Təmin edilmir.
• Son müraciət tarixi: 16.09.2026